ஒலிம்பிக்கில் பதக்கம் வென்ற மல்யுத்த வீரர்கள் சுஷில்குமார், யோகேஷ்வர்தத் ஆகியோருக்கு வழிகாட்டியாகவும், பயிற்சியாளராகவும் இருந்த யஷ்விர்சிங் சிறுநீரகம் பாதிப்பால் நேற்று முன்தினம் டெல்லியில் மரணம் அடைந்தார். அவருக்கு வயது 56. உலக மல்யுத்த சம்மேளனத்தால் சிறந்த பயிற்சியாளர் விருதை பெற்று இருக்கும் யஷ்விர்சிங், மத்திய அரசின் சார்பில் சிறந்த பயிற்சியாளருக்கான துரோணாச்சார்யா கவுரவத்தையும் பெற்றவர் ஆவார்.