பாஜகவில் இணைந்த அதிமுக, திமுக, காங்கிரஸ் முன்னாள் 18 எம்.எல்.ஏக்கள்- யாரெல்லாம் தெரியுமா.?. 

மத்திய திறன் மேம்பாட்டுத்துறை அமைச்சரும், பாஜக மூத்த தலைவருமான ராஜீவ் சந்திரசேகர் முன்னிலையில், தமிழகத்தைச் சேர்ந்த முன்னாள் சட்டமன்ற உறுப்பினர்கள் 13 பேர் உட்பட 18 பேர் பாஜகவில் இணையும் நிகழ்ச்சி அக்கட்சியின் தலைமை அலுவலகத்தில் நடைபெற்றது.

இதில், கொங்கு கட்சியின் முக்கிய அரசியல் தலைவர்கள், அதிமுக முன்னாள் சட்டமன்ற உறுப்பினர்கள், வடிவேல், ஆர்.துரைசாமி, எம்.வி.ரத்தினம் உள்ளிட்ட 13 பேர், திமுக, தேமுதிக, காங்கிரஸ் உள்ளிட்ட கட்சிகளைச் சேர்ந்த முன்னாள் சட்டமன்ற உறுப்பினர்கள் 5 பேரும் என 18 பேர் பாஜகவில் இணைந்தனர்.

பாஜகவில் இணைந்த அதிமுக முன்னாள் சட்டமன்ற உறுப்பினர்கள்:

1. கே.வடிவேல் – கரூர் (1974,1984),

2. துரைசாமி – கோவை (2011),

3. பி.எஸ்.கந்தசாமி – அரவக்குறிச்சி (1980),

4. எம்.வி.ரத்தினம் – பொள்ளாச்சி (1980),

5. ஆர்.சின்னசாமி – சிங்காநல்லூர் (2006,2011),

6. வி.ஆர்.ஜெயராமன் – தேனி (1977,1980,1984

7. எஸ்.எம்.வாசன் – வேடச்சந்தூர் (1977),

8. பி.எஸ்.அருள் – புவனகிரி (2001),

9. ஆர்.ராஜேந்திரன் – காட்டுமன்னார்கோயில் (1991),

10. செல்வி முருகேசன் – காங்கேயம் (2001),

11. ஏ.ரோகினி – கொளத்தூர் (2001),

12. எஸ்இவெங்கடாசலம் – சேலம் (2001),

13. முத்து கிருஷ்ணன் – கன்னியாகுமரி (1980).

மேலும், இந்திய தேசிய காங்கிரஸ் கட்சியின் முன்னாள் எம்.எல்.ஏ. ஆர்.தங்கராஜூ – ஆண்டிமடம் (1991), தேமுதிக முன்னாள் எம்.எல்.ஏ.கே. தமிழழகன் – திட்டக்குடி (2011), திமுக முன்னாள் எம்.எல்.ஏ-க்கள் எஸ்.குருநாதன் – பாளையங்கோட்டை (1989), டாக்டர். வி. குழந்தை வேலு – சிதம்பரம் (1980), கோமதி ஸ்ரீநிவாசன் (முன்னாள் அமைச்சர்) – வலங்கைமன் (1996) உள்ளிட்டோரும் தங்களை பாஜகவில் இணைத்துக் கொண்டனர்.

இந்நிகழ்ச்சியில், தமிழ்நாடு பா.ஜ.க. மாநில தலைவர் அண்ணாமலை, வானதி சீனிவாசன், பொன்.ராதாகிருஷ்ணன் உள்ளிட்டோர் கலந்து கொண்டனர்.