9 ஆண்டுகால பாஜக ஆட்சியில் மக்களுக்கு கொடுத்த வாக்குறுதியை மோடி நிறைவேற்றினாரா.?.- வெள்ளை அறிக்கை கொடுக்க தயாரா.?. செல்வப் பெருந்தகை கேள்வி
தூத்துக்குடி விமான நிலையத்திற்கு வருகை தந்த தமிழ்நாடு காங்கிரஸ் கமிட்டி தலைவர் செல்வப் பெருந்தகை செய்தியாளர்களை சந்தித்தார்.
பின்னர் கூறினார்,
வெள்ள நிவாரணமாக ஒரு பைசா கொடுக்காத பிரதமர் மோடி இன்று தமிழ்நாட்டிற்கு வாக்கு சேகரிக்க வருகிறார்.
தமிழ்நாட்டு மக்கள் ஏமாளியாக இருப்பார்கள் என்று நினைத்து, வடமாநில மக்களை ஏமாற்றியது போல தமிழ்நாட்டு மக்களையும் ஏமாற்றலாம் என்று வந்திருக்கிறார்கள். ஒருபோதும் தமிழ்நாட்டு மக்கள் ஏமாற மாட்டார்கள். அவருக்கு தேர்தலில் மிகப்பெரிய தீர்ப்பை தமிழ்நாட்டு மக்கள் கொடுப்பார்கள்.
பாஜக முதற்கட்ட வேட்பாளர் பட்டியல் அறிவிக்கப்பட்டுள்ளது, பாஜக வேட்பாளர்கள் தோல்வி பயம் கண்டுள்ளனர். தேர்தலில் போட்டியிட மாட்டேன் என்று பயந்து ஓடுகின்றனர்.
பாஜக ஆட்சியில் போதை பொருள் அனைத்து மாநிலங்களிலும் தாராளமாக கிடைக்கிறது. பாஜக அரசு போதை பொருளை கட்டுப்படுத்த தவறிவிட்டது.
பிரதமர் மோடி 2 கோடி பேருக்கு வேலைவாய்ப்பு தருவேன் என்று தேர்தல் வாக்குறுதி சொன்னாரே. செய்தாரா? பெட்ரோல் விலை பாதியாக கிடைக்கும் என்றாரே. செய்தாரா? இந்தியாவின் பணமதிப்பு அமெரிக்காவில் பணமதிப்பிற்கு நிகராக்குவேன் என்றாரே. செய்தாரா?
பிரதமர் மோடி 9 ஆண்டுகாலமாக தேர்தல் வாக்குறுதியை நிறைவேற்றினாரா? இதுகுறித்து வெள்ளை அறிக்கை கொடுக்க வேண்டும். ஊழலைப் பற்றி பேச பாஜகவிற்கு எந்த தகுதியும் கிடையாது.
அதிமுக கூட்டணியில் காங்கிரஸ் இருக்க வேண்டும் என்பது அதிமுகவினரின் விருப்பம். நாங்கள் 5 தேர்தலில் திமுகவுடன் கூட்டணியில் இருக்கிறோம். திமுக காங்கிரஸ் உறவு நம்பிக்கையான உறவாக இருக்கிறது. எங்களை ஒருபோதும் திமுக தலைவர் ஸ்டாலின் குறைத்து மதிப்பிடமாட்டார் என்ற நம்பிக்கை எங்களுக்கு இருக்கிறது.
400 தொகுதிகளுக்கு மேல் இந்தியா கூட்டணி அபார வெற்றி பெற்று ஆட்சி அமைக்கும்.
திமுக கூட்டணியில் உறுதியாக இருக்கிறோம். நாங்கள் சுமூகமாக இருக்கிறோம்.
என தூத்துக்குடி விமான நிலையத்தில் தமிழ்நாடு காங்கிரஸ் கமிட்டி தலைவர் செல்வப் பெருந்தகை செய்தியாளர்களிடம் கூறினார்.
