பிலிப்பைன்சில், பயணிகள் பஸ் பள்ளத்தில் கவிழ்ந்து விபத்துக்குள்ளானதில், 24 பேர் பலியாயினர்; பலர் படுகாயம் அடைந்தனர். தெற்காசிய நாடுகளில் ஒன்றான பிலிப்பைன்ஸ் நாட்டின் வட பகுதியில், மலைப்பாங்கான சாலையில், 45 பயணிகளை ஏற்றிச் சென்ற பஸ், திடீரென விபத்துக்குள்ளாகி, பள்ளத்தில் கவிழ்ந்தது. இந்த விபத்தில், பஸ்சில் பயணித்த, 24 பேர் பலியாயினர்; பலர் படுகாயம் அடைந்தனர். சம்பவ இடத்திற்கு விரைந்த மீட்புப் படையினர், இறந்தவர்களின் உடல்கள், காயமடைந்தவர்களை மீட்டனர்.பிலிப்பைன்சில், இந்த ஆண்டு நடந்த விபத்துகளில் இதுவே அதிக உயிரிழப்பை ஏற்படுத்தியது என்பதால், அந்நாட்டு மக்களை பெரும் சோகத்தில் ஆழ்த்தியுள்ளது.